URDUÑEDERRA

Urduñederra S. L. Urduñako Udalaren udal-sozietate publikoa da. Bere organo sozialak honako hauek dira: udalbatzak osatzen duen Batzar Orokorra eta elkartearen Administratzaile bakarra, Urduñako alkatea, hain zuzen.

Urduñederra 2002an sortu zen zeregin zehatz batekin, Aduana eraikina birgaitzea Bainuetxe-hotel bihurtzeko,alegia. Hala ere, Sozietatearen jarduera dibersifikatu egin da hainbat arlori lotutako egitasmo berriak bere gain hartuz, hala nola, Hirigune historikoa birgaitzeari, enplegu eta prestakuntza arloko ekimenei, turismo-sustapenari eta komunikazioari lotutakoak.

Gaur egun, Urduña hiriaren sustapen-lan orokorra burutzen du, eta, horrela, Euskadiko Garapen Agentzien Sarearen partaide da.

2005.urtearen amaieran Bizkaiko Foru Aldundiarekin lankidetza-hitzarmena sinatu zen 2004-07 Plan estrategikoaren gerentzia eta jarraipenerako. Jarraipena Ahaldun Nagusiaren Kabineteko Idazkaritza Teknikoarekin batera gauzatzen da.

HELBURU SOZIALA

    * Etxebizitza, industria eta zerbitzu sektoreetako lurzorua sustatzea
    * Lurzoruen erosketa eta besterentzea, etxebizitza- eremuak eta industrialdeak urbanizatzea
    * Etxegintza eta etxebizitzen salmenta
    * Beste erakunde batzuekiko hitzarmenak, industria zein bizitegi-eremuetako hiri-antolamenduak sortutako lursailak besterentzea
    * Enpresa-instalazioak egokitzea eta enpresa-atzipena, bertaratzeko asmoz
    * Garapen sozioekonomikorako hainbat egitasmo gauzatzea, hala nola, etxebizitza babestuak sustatzea, etxe-birgaitzea, lehen eta hirugarren sektoreak bultzatzea
    * Hiriaren historia eta kultura bultzatzea, enplegua sustatzea, eremuko garapen turistikoa eta eraikuntza enblematikoen ustiapena
    * Edozein arlotan Urduña hiriaren garapen, sustapen eta bultzadarako baliagarri den edozein ekimen

JOKAEREMUA

    * Hiri-birsorkuntza
    * Enplegua eta trebakuntza: Behargintza Orduña
    * Turismo-sustapena
    * Komunikazio estrategikoa

2003ko martxoaren 10ean Urduñako Udalak, Eudelek, Bizkaiko Foru Aldundiko Lan eta Trebakuntza Sailak eta BBK-K sinatutako hitzarmenari esker, Urduñederrak kudeatzen du Behargintza Orduña, Enplegu eta Toki-garapenerako gunea.
Turismo-sustapena

Aiara eta Nerbioi Garaiko eskualde barruan Urduña helmuga turistiko gisan sustatzen duten egitasmoak garatzen ditu Urduñederrak. Horretarako, informazio eta sustapen turistikorako proiektuak gauzatzen dira.

Sustapen turistikorako Plana . 19,1 Mb. PDF.

Turismo Bulegoaren kudeaketa.

“Urduña Barrendik” egitasmoa: bailararen mapa, kale-izendegia , promoziorako katalago eta bideoa.

“Bizkaiko Hiribilduetan zeharreko paseoa” izeneko ondare-jarduera europarretan partaide.

Komunikazio estrategikoa

Urduña hiriko 04-07 Plan Estrategikoak leku berezia ematen dio komunikazioari eta beharrezkotzat jotzen du bai Komunikazio Plan Orokorra garatzea bai urduñarrei, erakunde publikoei eta hirugarren, bigarren eta lehenengo sektoreetako agenteei bereziki zuzendutako komunikazio-ekimenak burutzea.

KOKALEKUA ETA ORDUTEGIAK

Helbidea:
Burdin Kalea 2, 1º izda. 48460 Urduña (Bizkaia)
Telefonoa: 945 38 30 76
Faxa: 945 38 34 45
Mail: urdunederra@ayuntamientoorduna.org
Arreta ordutegia: astelehenetik ostiralera 8:00etatik 14:00etara.