Urduñako Udal Liburutegia Euskadiko Liburutegien Sarean sartu da, eta gaur egun beronen katalogoa ez ezik gainerako liburutegiena ere web orrian kontsulta dezakegu.

Bertan aurkituko ditugun atalak hauek dira: haurrak, helduak, hemeroteka, bideoteka eta CDteka; 13.000 ale dira guztira.

Hauxe da liburutegiaren ordutegia: 10:15etik 13:30era; eta 16:30etik 19:45era. Uztailean eta irailaren erdialdera arte goizez irekiko da soilik, eta abuztuan itxita egongo da.

Informazio gehiago nahi izanez gero, deitu 945 38 48 62 telefonora. Andra Mari Plazako Kultur Etxera ere jo dezakezue zuzenean.