Honako premisa hau hartu da abiaburutzat: “kutsatzaileak ez diren eta teknologia berriekin lotuta dauden enpresak erakartzeko mekanismoen bidez industria sektorea suspertzea” (Iturria: 2004-2007. urteetako Plan Estrategikoa); eta hortik abiatuta, azken hamarkadetan industria sarea jasaten ari den egoera zaila sustatzera zuzendutako jarduerak bideratzen ari da Urduñako Udala.

Industria Suspertzeko Plan horren ildo nagusiak hauek dira: batetik, gaur egungo industria sektorea sendotzea, informazio zerbitzuak txertatuz, aztertuz, laneko bitartekotza eginez eta negozioa dibertsifikatzeko laguntza emanez; eta bestetik, dagoen industria lurzorua suspertzea.

Horretarako, Spri, Bizkailur eta horrelako erakundeekin etengabeko komunikazio bideak ezartzen ari dira, “La Tejera” industrialdea eta “La Rondina” industria lur berria prestatzeko eta sustatzeko; eta, halaber, lur horiek bide sare nagusiarekin eta elkarrekin lotzeko bideak eta lurpeko pasaguneak prestatu eta sustatzeko.

Enpresak erakartzeko ekintzen artean hauek nabarmendu dira: zuzenean enpresekin hitz egitea,esfera publikoa eta industriala elkartzeko bien artean elkarguneak eratzea, sustapen ekonomikoko proiektuetan parte hartzea edo zabalkunderako material espezializatua sortzea, enpresaburuei Urduñak eskain diezazkiekeen kokapena eta ekipamenduak sustatzeko.